Менчука аштрафавалі за спробу патрапіць на прыём да Сукалы

Міхаіл Мяхедка быў затрыманы супрацоўнікамі аховы ў памяшканні суда 13 кастрычніка.

Менчука даставілі ў суд Ленінскага раёна Менска. Яго абвінавацілі ва ўдзеле ў несанкцыянаваным масавым мерапрыемстве (артыкул 23.34 КаАП РБ) і пакаралі штрафам у суме 15 базавых адзінак. Справу разглядаў суддзя Аляксей Камушкін, паведамляе сайт ПЦ «Вясна».

Супрацьстаянне Міхаіла Мяхедкі і чыноўнікаў Вярхоўнага суда доўжыцца досыць доўга: за гэты час, чалавека, які хоча аднавіць сваё канстытуцыйнае права на зварот да Лукашэнкі, двойчы накіроўвалі ў Рэспубліканскі цэнтр псіхічнага здароўя ў Навінкі, затрымлівалі без складання пратаколаў аб адміністрацыйным правапарушэнні.

Гісторыя Міхаіла Мяхедкі як раз пра тое, як прэзідэнцкая адміністрацыя стварае бар'еры на шляху грамадзян да канстытуцыйнага правасуддзя - тады як старшыня КС раіць ім звяртацца да кіраўніка дзяржавы, як да аднаго з суб'ектаў, упаўнаважаных даручаць Канстытуцыйнаму Суду праверку праваўжывальнай практыкі судоў.

На жаль і Вярхоўны суд у гэтай сітуацыі распісаўся ў сваім бяссіллі і нават больш: не можа абараніць грамадзяніна ад брутальнага пераследу сілавікоў.

Міхаіл Мяхедка мае намер абскарджваць пастанову суда Ленінскага раёна Менска ў касацыйным парадку.