Дыетолагі расказалі, чым трэба снедаць зімой

Метабалізм зімой запавольваецца натуральным чынам, таму тып харчавання мае асаблівае значэнне для агульнага стану арганізма.

Апошнія даследаванні, праведзеныя ва ўніверсітэце Алабамы пад кіраўніцтвам доктара Марціна Янга, паказалі, што самы першы прыём ежы з'яўляецца важным фактарам актыўнага стрававання і складнасці, піша «Інтэрфакс».

Марцін Янг сцвярджае, што снедаць не проста трэба - на сняданак мэтазгодна ўжываць каларыйныя прадукты. Да прыкладу яечня з сасіскамі або беконам, на думку даследчыка, вельмі добры варыянт сняданку. Ён надоўга насычае і не пагражае постаці атлусценнем. Больш за тое, тлустыя прадукты на сняданак нават могуць дапамагчы схуднець, мяркуе Янг.

Адсутнасць жа сняданку запавольвае абмен рэчываў і спальванне калорый. Высокакаларыйныя прадукты, з'едзеныя за сняданкам, наадварот, спрыяюць паскарэнню метабалізму, што прымушае арганізм больш актыўна расходаваць энэргію, адзначае экспэрт. У выніку чалавек не пакутуе ад заняпаду сіл, а хутчэй наадварот, у яго павышаецца працаздольнасць, паляпшаецца самаадчуванне.

Выгляд прадуктаў, з'едзеных на сняданак, на думку дыетолага, задае тон абмену рэчываў: так, тлустыя прадукты падахвочваюць арганізм актыўна перапрацоўваць тлушч на працягу дня. Калі ж на сняданак ужываць вугляводы, то арганізм будзе больш ахвотна расшчапляць вугляводы. Гэтая тэорыя была пацверджаная вынікамі эксперыментаў на грызунах.

Каму перш за ўсё важна, каб сняданак быў дыетычным, можна снедаць амлетам. Падчас эксперыментаў сняданак, галоўнай стравай якога быў амлет з зелянінай, спрыяў самому значнаму зніжэнню ўзроўню гармонаў голаду ў арганізме ва ўдзельнікаў. Гэта ж пацвердзілася і ў адчуваннях падыспытных.

Аднак спецыялісты асобна падкрэсліваюць важнасць збалансаванага харчавання. З'есці каўбасу, сасіскі на сняданак можна, але гэта не значыць, што гэтыя прадукты варта ўжываць кожны дзень у вялікай колькасці. Замест каўбасы больш карысна есць натуральнае адварное мяса, амлеты. Абавязкова трэба есці клятчатку - гэта могуць быць лісце салаты, сцябло салеры, зеляніна.