Гамяльчук «праганяў крумкачоў» і пяць разоў патрапіў з пнеўматыкі ў акно насупраць
7- 15.10.2014, 10:46
- 7,555
Позна ўвечары ў спальным раёне Гомеля адзін з жыхароў верхняга паверху шматкватэрнага дома адкрыў стральбу з пнеўматычнага пісталета.
Куражыўся перад сяброўкай альбо страляў па крумкачам, высвятляе следства. Праваахоўным органам аб тым, што адбылося стала вядома ад гаспадыні кватэры, у акно якой трапіла пяць куль, піша onliner.by.
Жанчына прачнулася, пачуўшы воплескі. Спачатку падумала, што хтосьці кідае камяні. Але калі ўбачыла ў шкле адтуліны і сколы, сцяміла, што стралялі. Выклікала міліцыю.
З аператыўнай групай на месца здарэння выехаў эксперт. Версію з камянямі адхілілі адразу. Вывучыўшы асаблівасці пашкоджанняў, выказалі здагадку, што стралялі з дома насупраць. Меркаванне пацвердзіў адзін з жыхароў. Гуляючы перад сном у двары, ён бачыў на балконе верхняга паверха мужчыну і жанчыну. У руках мужчыны быў пісталет, з якога, як падалося сведку, цэлілі ў крумкача.
У той жа вечар была высветленая асоба стралка. З ягоных слоў, з дапамогай пнеўматычнага пісталета ён хацеў прагнаць з двара крумкача. Матэрыяльная шкода гаспадыні пацярпелай кватэры ўжо кампенсаваная.
Праводзіцца праверка, у выніку якой будзе прынятая адпаведнае працэсуальная пастанова.