Роналду стаў самым папулярным чалавекам у «Фэйсбуку»
2- 15.10.2014, 10:51
- 4,389
Форвард мадрыдскага «Рэала» і зборнай Партугаліі Крышціяну Раналду стаў самым папулярным чалавекам у «Фэйсбуку».
На афіцыйную старонку футбаліста ў сацыяльнай сетцы падпісалася больш за 100 мільёнаў чалавек, піша Lenta.ru.
«Дзякуй усім, нарэшце ў мяне 100 мільёнаў сяброў у «Фэйсбуку». Я вельмі рады дасягнуць гэтай лічбы», - заявіў футбаліст ў адмысловым відэазвароце на сваёй старонцы.
Роналду цяпер з'яўляецца адзіным чалавекам у свеце, якія атрымаў столькі адзнак «спадабалася» (яе трэба зрабіць, каб падпісацца на старонку футбаліста) у гэтай сацыяльнай сетцы.
Паводле статыстыкі, 78 адсоткаў ягоных падпісчыкаў складаюць мужчыны. Большасць з прыхільнікаў футбаліста пражываюць у Бразіліі, Інданезіі, Індыі, Мексіцы і ЗША, адзначае ТАСС.
У аўторак 14 кастрычніцкай Роналду дакладным ударам галавой на апошніх хвілінах матчу прынёс зборнай Партугаліі перамогу ў сустрэчы адбору да Еўра-2016 з Даніяй (1:0).