FIDH: Адвольныя затрыманні ў Беларусі набылі сістэмны характар
5- 15.10.2014, 15:11
- 6,621
Праваабаронцы выказваюць пратэст супраць незаконных дзеянняў уладаў Беларусі ў дачыненні да апазіцыйных актывістаў.
9 кастрычніка 2014, напярэдадні саміту краін-удзельніц СНД і візіту ў Менск прэзідэнта Расейскай Федэрацыі Уладзіміра Пуціна, апазіцыйны актывіст Павел Вінаградаў у чарговы раз быў падвергнуты прэвентыўнаму адвольнаму арышту тэрмінам на 15 дзён. Падставай для вынесенага судом абвінаваўчага выраку аб арышце сталі паказанні супрацоўнікаў міліцыі пра нібыта хуліганскія дзеянні актывіста, паведамляе сайт a target="_blank" href=http://spring96.org/ru/news/73672>ПЦ «Вясна».
Варта адзначыць, што гэта далёка не першы выпадак адвольнага затрымання і арышту Паўла Вінаградава беларускімі праваахоўнымі органамі. Павел рэгулярна падвяргаецца падобным затрыманням і арыштам напярэдадні тых ці іншых грамадска-палітычных падзей у краіне. За 10 месяцаў гэтага года ён правёў у зняволенні ў агульнай складанасці 50 дзён. Акрамя таго, пасля вызвалення ў верасні 2011 з калоніі г. Івацэвічы, дзе Павел адбываў пакаранне ў выглядзе пазбаўлення волі за ўдзел у дэманстрацыі пратэсту пасля прэзідэнцкіх выбараў 19 снежня 2010 года, за ім усталяваны прэвентыўны нагляд тэрмінам больш за два гады.
Паводле паведамленняў Паўла Вінаградава, яму рэгулярна пагражаюць крымінальным пераследам і фізічнай расправай з мэтай прымусіць яго спыніць мірную дзейнасць, накіраваную на выказванне свайго меркавання і пратэсту, а таксама пакінуць горад Менск на час прэвентыўнага нагляду. Напярэдадні правядзення ў г. Менску чэмпіянату свету ў хакеі ў красавіку 2014 года, у выніку аналагічных пагроз з боку супрацоўнікаў Маскоўскага РУУС Менска, Павел быў вымушаны выехаць са сталіцы ў Беразіно. Гэты факт быў паказаны ў сумесным дакладзе FIDН і Праваабарончага цэнтра «Вясна» што да праблемы адвольных затрыманняў у Беларусі.
Варта адзначыць, што практыка адвольных затрыманняў шырока выкарыстоўваецца ўладамі Беларусі ў дачыненні да апазіцыйных актывістаў і набыла сістэмны і сістэматычны характар.
У сувязі з гэтым FIDH і Праваабарончы цэнтр «Вясна» заяўляюць наступнае:
- Дзеянні ўладаў Беларусі ў дачыненні да Паўла Вінаградава носяць незаконны характар і маюць палітычны матыў, які пераследуе ў якасці мэты не добраахвотнае спыненне або змяненне Паўлам Вінаградавым сваёй публічнай дзейнасці;
- Пазбаўленне волі (адміністрацыйны арышт на 15 дзён), а таксама папярэднія арышты былі ўжытыя ў дачыненні да Паўла Вінаградава выключна ў сувязі з яго палітычнымі перакананнямі;
- Гэтыя абставіны дазваляюць разглядаць Паўла Вінаградава, на перыяд ягонай ізаляцыі, як палітвязня.
У сувязі з гэтым FIDH і Праваабарончы цэнтр «Вясна» патрабуюць ад уладаў Беларусі:
- Неадкладнага вызвалення Паўла Вінаградава і скасавання ўсіх незаконных судовых пастаноў у дачыненні да яго;
- Спынення практыкі адвольных затрыманняў і іншых формаў ціску і пераследу ў дачыненні да Паўла Вінаградава і іншых актывістаў апазіцыйных груп і рухаў;
- Вызвалення ўсіх палітвязняў, якія знаходзяцца ў турмах і папраўчых калоніях Беларусі;
- Спынення практыкі пераследу іншадумцаў у Беларусі як неабходнай умовы для нармалізацыі сітуацыі з правамі чалавека ў краіне.