19-гадовая настаўніца са Шчучына дала жорсткі адпор рабаўніку

Сумела пастаяць за сябе 19-гадовая жыхарка Шчучына.

Дзяўчына, якая працуе настаўніцай у адной з мясцовых школ, дала жорсткі адпор рабаўніку, які позна ўвечары падпільнаваў прадстаўніцу слабага полу каля дома па вуліцы Някрасава.

Пра гэта charter97.org паведамілі ў прэс-службе УУС Гарадзенскага аблвыканкама.

«31-гадовы мужчына, раней чатыры разы судзімы за ўчыненне крадзяжоў, на гэты раз пайшоў на рабаванне, загадзя для смеласці глынуўшы алкаголю.

Выбраўшы выпадковую ахвяру, мужчына вырваў у яе сумку з мабільным тэлефонам, невялікай сумай у беларускіх рублях і жаночымі прыладамі. Схавацца з выкрадзеным яму не ўдалося. Пацярпелая сама дагнала крыўдзіцеля, аказала яму супраціў, а грамадзяне, якія падаспелі на дапамогу, канчаткова ўгаманілі рабаўніка, неўзабаве перадаўшы яго падаспелым па выкліку супрацоўнікам міліцыі.

Падазраваны не так даўно вызваліўся з месцаў пазбаўлення волі. У мінулым годзе ягонага брата асудзілі за ўчыненне забойства», - распавялі там.