Украіна не будзе мяняць Пагадненне з ЕЗ на патрабаванне Расеі
7- 15.10.2014, 19:51
- 13,054
Гэта пазіцыя не толькі Украіны, але і Еўразвязу.
Украіна не будзе мяняць тэкст Пагаднення аб асацыяцыі з ЕЗ, на чым намагае цяпер РФ. Пра гэта заявіў спікер МЗС Украіны Яўген Перабійніс, піша УНН.
Адказваючы на пытанне журналістаў аб тым, ці будзе Украіна цяпер уносіць змены ў Пагадненне аб асацыяцыі, ён сказаў, што такіх зменаў не прадугледжана.
"Пазіцыя не толькі Украіны, але і ЕЗ: ніякіх змяненняў у Пагадненне аб асацыяцыі, якое ўжо ратыфікаванае Вярхоўнай Радай і Еўрапарламентам, парламентамі цэлага шэрагу іншых дзяржаў, быць не можа", - адзначыў Перабійніс.
Раней у ЕЗ падкрэслівалі, што ўносіць змены ў пагадненне аб асацыяцыі паміж Еўразвязам і Украінай могуць толькі яго ўдзельнікі.