Трое жыхароў Рэчыцы напалі на таксіста і скралі аўтамабіль
1- 16.10.2014, 14:14
- 5,823
У скрадзеным аўто знайшлі дзве пустых бутэлькі з-пад віна.
Учора ў лесе пад Рэчыцай трое мясцовых хлопцаў 25-29 гадоў напалі на 46-гадовага таксіста. Мужчына паспеў уцячы і патэлефанаваць у міліцыю, а злачынная група села ў яго «Аўдзі-80» і паехала катацца, піша «Комсомольская правда в Беларуси».
Як распавяла афіцыйная прадстаўніца УСК Гомельскай вобласці Марыя Крываногава, міліцыя ўвяла план «Перахоп» і праз некалькіх гадзін у вёсцы Нова-Баршчоўка Лоеўскага раёна супрацоўнікі крымінальнага вышуку знайшлі сагнанае аўто і затрымалі двух падазраваных. Трэцяга зламысніка пакуль шукаюць.
У скрадзенай машыне знайшлі дзве пустыя бутэлькі з-пад віна. Усе абставіны злачынства высвятляюцца, распачатая крымінальная справа.