Бэльгійка на Ford Focus выжыла пасля сутыкнення з двума фурамі
15- 16.10.2014, 20:11
- 14,497
Пасля сутыкнення на трасе Ford Focus з двума грузавікамі 25-гадовая Язмін Клаес, якая кіравала легкавіком атрымала траўмы, але выжыла.
Аварыя адбылася 13 жніўня ў Бэльгіі. І толькі калі Язмін пайшла на папраўку, з'явіліся некаторыя падрабязнасці незвычайнага здарэння, паведамляе партал Carscoops.
Маладая жанчына ехала на сваім Ford Focus загараднай хуткаснай шашой. І даслоўна на некалькі секунд трапіла ў аб'ектыў відэарэгістратара, усталяванага на грузавіку, які ехаў побач з яе аўто, піша NEWSru.com.
У нейкі момант перад аўто Язмін з'явіўся жоўты грузавік. Неспрактыкаваная бэльгійка наважваецца абагнаць яго справа, і ўмомант уразаецца ў прыпаркаваны ля абочыны грузавік белага колеру.
Яшчэ праз секунду ў Ford Focus Язмін ззаду ўразаецца той самы грузавік з відэарэгістратарам.
Пазней высветлілася, што ў пацярпелай зламаныя два пазванкі і выцятая рука. Але Язмін толькі цяпер выйшла з комы. У інтэрв'ю бэльгійскай радыёстанцыі яна распавяла, што вельмі радая таму, што была прышпіленая рамянём бяспекі і што ў яе спрацавалі ўсе падушкі бяспекі. Цяпер Язмін ідзе на папраўку.