Вайсковая дэлегацыя з Арменіі прыбыла ў Беларусь
5- 16.10.2014, 21:37
- 4,578
З 13 да 15 кастрычніка прайшоў візіт у Беларусь армянскай вайсковай дэлегацыі.
Яе ўзначаліў начальнік войскаў супрацьпаветранай абароны Узброеных сіл краіны палкоўнік Армэн Варданян. Пра гэта сайту charter97.org паведамілі ў прэс-службе Міністэрства абароны Беларусі.
Падчас візіту абмеркаваныя асноўныя кірункі ўдасканалення войскаў супрацьпаветранай абароны, пытанні фармавання рэгіянальных сістэм СПА дзяржаў-чальцоў Арганізацыі Дамовы аб калектыўнай бяспецы.
Чальцы дэлегацыі азнаёміліся з ўзорамі зенітных ракетных комплексаў, радыёлакацыйных станцый і сродкаў аўтаматызаваных сістэм кіравання, мадэрнізаваных на беларускіх прадпрыемствах.