Крэдытку Абамы не прынялі ў рэстаране
16- 18.10.2014, 10:19
- 31,544
Расплачвацца за абед прыйшлося ягонай жонцы.
Прэзідэнт ЗША Барак Абама не змог расплаціцца крэдытнай картай за абед у нью-ёркскім рэстаране. Банк палічыў, што ягоная карта скампраметаваная, паведамляе Lenta.ru са спасылкай на BBC.
Інцыдэнт адбыўся месяц таму, і Абама распавёў пра яго ў пятніцу, 17 кастрычніка, выступаючы з прамовай аб неабходнасці ўзмацніць меры бяспекі банкаўскіх пераводаў.
Са слоў прэзідэнта, ён настолькі рэдка карыстаецца крэдытнай картай, што спробу расплаціцца ёй сістэма бяспекі банка палічыла падазронай і адмовілася пацвердзіць плацёж.
Расплачвацца за абед прыйшлося ягонай жонцы Мішэль.