Ахова аквапарку «Лебядзіны» збіла наведвальнікаў (Відэа)
49- 18.10.2014, 11:17
- 50,830
Канфлікт здарыўся больш за месяц таму, аднак вядома пра яго стала толькі цяпер.
У апошні дзень лета маладыя менчукі - Саша, Раман, яшчэ адзін Раман і ягоная жонка Вераніка - вырашылі пайсці на так званую «пенную вечарынку» у аквапарку «Лябяжы», паведамляе «Радыё Свабода».
Кампанія аплаціла квіткі, узамен на іх атрымалі чыпы, дзе быў пазначаны дакладны час знаходжання ў аквапарку - да васьмі гадзін раніцы. Аднак у палове на пятую раніцы іх пачалі прасіць з аквапарку. Маўляў, час скончыўся.
Хлопцы паказалі ахоўнікам свае чыпы і запатрабавалі грашовай кампенсацыі за нескарыстаны час. У выніку, як сведчаць наведвальнікі, ахоўнікі іх збілі, а міліцыянты не хацелі заводзіць справу паводле факту збіцця, а наадварот завялі адміністрацыйную справу на кліентаў аквапарку нібыта за хуліганства.