Загадкавы беспілотнік ЗША вярнуўся з космасу

Беспілотны касмічны карабель ВПС ЗША Boeing X-37B здзейсніў пасадку на авіябазе Вандэнбэрг ў Каліфорніі.

Ён вярнуўся на Зямлю пасля беспрэцэдэнтна доўгага знаходжання на калязямной арбіце цягам амаль двух гадоў, паведамляе BBC.

Дагэтуль практычна нічога невядома аб характары і мэтах палёту сакрэтнага шатла, але мяркуецца, што на ім размешчанае выведвальнае абсталяванне. Да нейкага моманту меркавалі, што ён павінен быў вывучыць кітайскі арбітальны модуль «Цяньгун-1», аднак ад гэтай гіпотэзы адмовіліся яе прыхільнікі.

Прадстаўнікі ВПС ЗША сказалі амерыканскай прэсе толькі, што апарат «прызначаны для правядзення мерапрыемстваў зніжэння рызыкі, эксперыментаў і адпрацоўцы канцэпцый у рамках стварэння тэхналогій шматразовых касмічных апаратаў».

Рэальнасць заключаецца ў тым, што ніхто на самай справе не ведае, што робіць гэты апарат.

Адзіная разумная здагадка з тых, якія я чуў, гэта тое, што ён тэстуе тэхналогіі, якія потым будуць выкарыстоўвацца пры стварэнні спадарожнікаў. Калі вы прымеце пад увагу звычайны кошт стварэння і запуску спадарожніка - некалькі соцень мільёнаў даляраў - то вы, верагодна захочаце пераканацца, што ўсе сістэмы спрацуюць на выдатна з паўабароту. І калі «аблятаць» прататып на X-37B, то можна выпрабаваць гэтыя тэхналогіі, а затым, паставіўшы на сапраўдны спадарожнік, быць упэўненым, што ўсё будзе добра.

Раней Пентагон заяўляў, што гэты беспілотны карабель шматразовага выкарыстання распрацаваны для выканання разведвальных задач, звычайна даручаюць спадарожнікам.

Аднак, у адрозненне ад спадарожнікаў, якія маюць параўнальна нядоўгі тэрмін службы і затым знішчаюцца або пакідаюць арбіту, такі карабель можа выкарыстоўвацца паўторна і эканоміць мільярды даляраў вайсковаму ведамству.

Праграма распрацоўкі апарата стартавала ў 1999 годзе. Цяпер яна знаходзіцца ў падпарадкаванні Аддзела сродкаў хуткага рэагавання ВПС (Air Force's Rapid Capabilities Office).

Сам касмічны апарат быў распрацаваны і пабудаваны карпарацыяй Boeing.

Касмічны карабель, афіцыйна званы Пентагонам «Эксперыментальным арбітальным апаратам», быў выведзены на арбіту ў снежні 2012 года.

Апарат X-37B здзяйсняе ўжо трэці паводле ліку арбітальны палёт, чацвёрты запланаваны на наступны год.