На будынку ў Берасці вывесілі бел-чырвона-белы банэр
- 18.10.2014, 11:23
- 10,291
Антыфашысты правялі акцыю ў падтрымку анархіста Дзмітрыя Званько.
Пра гэта паведаміў чытач charter97.org Бел-чырвона-белы банэр з надпісам «Свабода, роўнасць, братэрства» быў вывешаны на тарцы аднаго з дамоў на вуліцы Машэрава ў Берасці.
Актывіст Зміцер Званько быў затрыманы за бойку з неанацыстамі, якая адбылася 8 траўня мінулага года. Абласным судом горада Берасця ён быў прыгавораны да пяці гадоў пазбаўлення волі ў калоніі.