Аляксей Мілер: Украіна пагадзілася на ўсе ўмовы выплаты запазычанасці
50- 18.10.2014, 14:45
- 23,968
Украіна пагадзілася на ўсе ўмовы выплаты запазычанасці за газ, якія прапанаваныя Расеяй.
Але паколькі ў яе недастаткова грашовых сродкаў, развязанню праблемы можа дапамагчы Еўракамісія, падаўшы Украіне сродкі. Аб гэтым сказаў кіраўнік "Газпрома" Аляксей Мілер журналістам у выніку перамоваў у Мілане, паведамляе "Інтэрфакс-Украіна".
Як заявіў кіраўнік "Газпрома", "на сёння Украіна пагадзілася з тым, што першы транш у 1,45 млрд даляраў павінен быць заплачаны да пачатку паставак". "Яна пагадзілася з тым, што да канца года павінна быць выплачаная сума ў 3,1 млрд даляраў", - заўважыў ён, падкрэсліўшы, што не да канца першага квартала 2015 года, як раней хацела Украіна.
З ягоных слоў, Украіна пагадзілася плаціць кошт за газ у 385 даляраў за тысячу кубаметраў.
Аднак, з ягоных слоў, пытанне ў тым, што Украіне няма чым аплачваць бягучыя пастаўкі і тут "мячык на баку Еўрапейскай камісіі". "Гэта можа быць брыдж-крэдыт, перанос траншу МВФ са студзеня на снежань", - адзначыў ён.