29 сакавiка 2024, Пятніца, 7:39
Падтрымайце
сайт
Сім сім,
Хартыя 97!
Рубрыкі

Палітвязень Парфянкоў правёў 12 дзён у карцэры

2
Палітвязень Парфянкоў правёў 12 дзён у карцэры

Не выключана, што пасля выхаду са штрафнога ізалятара яго вярнулі туды.

Пра гэта «Радыё Свабода» паведаміла рэжысёрка Вольга Нікалайчык, якая лістуецца з Васілём Парфянковым.

«Ён у апошнім лісце паведаміў, што атрымаў ад мяне лісты з часопісамі і газетамі, а галоўнае, што адбыў 12 дзён у штрафным ізалятары. А пасля гэтага ад яго зноў маўчанне, з чаго я раблю выснову, што ён, відаць, зноў пакараны карцэрам - у дадатак. Яшчэ напісаў, што, дзякуй Богу, засталося сядзець ужо няшмат - усяго два месяцы», - паведаміла яна.

Прычына, з якой Васіль Парфянкоў пакараны карцэрам, Вользе Нікалайчык невядомая.

Палітвязень, які дагэтуль знаходзіўся ў памяшканні крытага тыпу, ужо не разлічвае да вызвалення трапіць у звычайны атрад.

«Васіль напісаў, што яго ўжо на зону не перавядуць, што будзе даседжваць у крытай, у камеры-адзіночцы. Але ён з-за гэтага не сумуе. Кажа, што не хоча гэтых пераездаў, гэтай зоны з новымі людзьмі і з правакацыямі, якія ўжо сталі нормай. Кажа, што звык сядзець адзін», - паведаміла яна.

Нагадаем, 5 снежня 2013 Першамайскі суд Менска прысудзіў Парфянкова да 1 году калоніі строгага рэжыму за «парушэнне правілаў прафілактычнага нагляду».

У 2011 годзе Васіль Парфянкоў быў асуджаны на 4 гады пазбаўлення волі за ўдзел у мітынгу 19 снежня 2010 года. Праз некалькі месяцаў ён выйшаў на волю паводле амністыі. А ў пачатку 2012 года, пасля затрыманняў на акцыях салідарнасці з палітвязнямі, за актывістам апазіцыі ўсталявалі прэвентыўны нагляд.

Напісаць каментар 2

Таксама сачыце за акаўнтамі Charter97.org у сацыяльных сетках