На бранскім сайце галасуюць за аб'яднанне з Беларуссю
74- 19.10.2014, 11:11
- 53,402
За ўваходжанне Бранска ў склад Беларусі прагаласавалі 73% чытачоў.
Інтэрнэт-выданне «ГородБ» запусціла апытанне аб тым, які варыянт дзяржаўнай прыналежнасці горада абралі б яго наведвальнікі, піша «Наша Нiва».
«Лукашэнка Бранск уважае за беларускі горад. На прэс-канферэнцыі 17 кастрычніка ён кіўнуў, што Пуціну давядзецца падзяліцца з заходнім суседам часткамі Бранскай, Смаленскай і Пскоўскай абласцей. Зразумела, што гэта немагчыма, ну а калі раптам здарыцца рэферэндум, як прагаласуюць чытачы?»- пытаецца рэдакцыя на сваім сайце, і падае наступныя варыянты:
На рэферэндуме вы прагаласуеце за
- Бранск у складзе Расеі - Бранск у складзе Беларусі
- Бранск у складзе Украіны
- Бранскую Народную Рэспубліку
- Свой варыянт.
На момант публікацыі за ўваход у склад Беларусі прагаласавала 73%. Аднак прагаласаваць можа кожны карыстальнік інтэрнэту, і ўбачыць, колькі з тых, хто галасаваў, напраўду жыхары Браншчыны не могуць.