СК Расеі распачаў крымінальную справу супраць Гелетэя і Мужэнкі

Следчы камітэт Расеі распачаў крымінальную справу ў дачыненні да шэрагу высокапастаўленых службовых асоб Узброеных сіл Украіны.

Пра гэта паведамляе прэс-служба СК Расеі ў чацвер 2 кастрычніка.

Паводле паведамлення, справа распачатая ў дачыненні да міністра абароны Украіны Валерыя Гелетэя, начальніка Генштаба ўзброеных сіл Украіны Віктара Муженкі, камандзіра 25-й брыгады ўзброеных сіл Украіны Алега Мікаса, «а таксама іншых пакуль неўстаноўленых асоб з ліку камандзіраў 93-й брыгады ВСУ і шэрагу вышэйшых службовых асоб з ліку вайсковага кіраўніцтва Украіны».

«Паводле звестках следства, у дзеяннях ўсіх названых асоб бачацца прыкметы злачынстваў... гэта значыць, арганізацыя забойстваў, прымянення забароненых сродкаў і метадаў вядзення вайны і генацыду», - адзначылі ў СК РФ.

У ведамстве заявілі, што Гелетэй, Мужэнка, Мікас і камандзіры 93-й брыгады (ВСУ), кіруючы баявымі дзеяннямі ў раёне аэрапорта Данецка з 3 ліпеня да 5 верасня 2014 года, наўмысна аддавалі загады для поўнага знішчэння «нацыянальнай групы рускамоўных асоб, якія пражываюць на тэрыторыі самаабвешчаных Данецкай і Луганскай народных рэспублік».

Для выканання гэтых загадаў пры абстрэлах гарадоў Данецк, Луганск, Славянск, Краматорск і іншых населеных пунктаў ДНР і ЛНР вайскоўцы ўжывалі сістэмы залпавага агню «Град» і «Ураган», авіяцыйныя некіравальныя ракеты, якія маюць касетную галаўную частку, тактычныя ракеты «Кропка-У» , іншыя віды цяжкага наступальнага ўзбраення невыбарчага дзеяння.

«У выніку былі забітыя больш за 3 тысячы грамадзянскіх асоб. Акрамя гэтага нанесеная шкода здароўю рознай ступені цяжкасці больш за 5 тысячам мірных грамадзян», - заявілі ў Следкоме РФ.