У КДБ пракаментавалі затрыманне ў Літве кіраўніка УСК Менска
17- 2.10.2014, 11:52
- 21,883
Паводле гэтай справы праводзіцца разбіральніцтва.
Старшыня КДБ Беларусі Валерый Вакульчык спадзяецца, што «ў літоўскага боку хопіць здаровага сэнсу пры прыняцці пастановы датычнай лёсу затрыманага ў Літве кіраўніка УСК Менска Дзмітрыя Канапляніка».
Пра гэта ён заявіў сёння журналістам у «палаце прадстаўнікоў», паведамляе карэспандэнт БелТА.
«Праводзіцца разбіральніцтва. Я думаю, што хопіць здаровага сэнсу ў літоўскіх уладаў, каб аб'ектыўна разгледзець гэтае пытанне і ў самыя кароткія тэрміны прыняць нармальную законную пастанову. Яны дэкларуюць сябе як прававая дзяржава, і сапраўды разумеюць, што павінны быць добрасуседскія стасункі паміж Літвой і Беларуссю, з іншымі краінамі», - сказаў Валерый Вакульчык.
Кіраўнік КДБ дадаў, што «такія дзеянні Літвы відавочна не спрыяюць таму, каб развіваць стасункі паміж народамі і краінамі ў нармальным ключы».
Нагадаем, у Літве быў затрыманы кіраўнік УСК Менску Дзмітрый Канаплянік (на фота), які знаходзіўся там у адпачынку, у яго знайшлі патроны.