Кіраўнік МЗС Паўночнай Карэі 10 дзён будзе ездзіць па Расеі
15- 2.10.2014, 18:13
- 10,288
Усіх здзіўляе такое доўгае бытаванне прадстаўніка КНДР у РФ.
"Міністр замежных спраў КНДР прыбыў у Маскву на першым этапе свайго дзесяцідзённага візіту, падчас якога будзе разгледжаны двухбаковы парадак дня, які ўключае "барацьбу з гераізацыяй нацызму", дарожную бяспеку і ядзерную праграму Пхеньяна", - паведамляе Шон Уокер, маскоўскі карэспандэнт брытанскага выдання The Guardian (пераклад - Inopressa).
Лі Су Ён сустрэнецца са сваім расейскім калегам Сяргеем Лаўровым, каб затым адправіцца ў падарожжа па далёкаўсходнім абласцях Расеі, накіраванае на ўзмацненне эканамічнага супрацоўніцтва паміж краінамі, піша аўтар артыкула.
"Паколькі стасункі з Захадам дасягнулі небывалага напружання праз падзеі на Украіне ў гэтым годзе, Расея ўсё больш глядзіць на ўсход, падпісаўшы у тым ліку вельмі важны газавы кантракт з Кітаем", - адзначае брытанскае выданне.
Незразумела, як КНДР і Расея будуць абмяркоўваць праблему правоў чалавека. "У КНДР - адна з самых горшых у свеце рэпутацый ў пытанні правоў чалавека. У той жа час расейская лібэральная апазіцыя, якая перажыввае цяжкі перыяд, часта выказвае боязь, што Уладзімір Пуцін вядзе краіну па "шляху Паўночнай Карэі", увёўшы шэраг абмежавальных законаў, з таго часу, як ён быў абраны прэзідэнтам на трэці тэрмін у 2012 годзе", - аргументуе Уокер.
"Расея - адзіная буйная сусветная дзяржава, якая нароўні з Кітаем захоўвае шчыльныя стасункі з КНДР, іх сувязі сыходзяць каранямі яшчэ ў камуністычны перыяд", - адзначае аўтар артыкула.
Фота: Niu Xiaolei/ Niu Xiaolei/Xinhua Press/Corbis