Ацяпленне ў лякарнях і школах пачнуць падаваць з 3 кастрычніка

Калі ў кватэрах - пакуль невядома.

Улады Менска з 3 кастрычніка пачнуць падачу ацяплення ў школы і дзіцячыя садкі, лякарні, іншыя медыцынскія і сацыяльныя ўстановы.

Згодна з правіламі, цяпло спажыўцам першай групы пачынаюць падаваць пры ўсталяванні цягам пяці дзён сярэднядзённай тэмпературы ніжэйшай за 10 градусаў.

У жылым сектары ацяпленне пададуць пры ўсталяванні цягам пяці дзён тэмпературы ніжэйшай за 8 градусаў.