Француза затрымалі за здымкі Краснай плошчы з беспілотніка

Спецслужбы затрымалі ў цэнтры Масквы грамадзяніна Францыі.

Ён паспрабаваў з дапамогай беспілотніка засняць Красную плошчу. Пра гэта «Інтэрфаксу» паведаміла крыніца ў сілавых структурах РФ.

З ягоных слоў, 29-гадовага замежнік, які часова пражывае ў Маскве, затрымалі ў ноч на нядзелю, 19 кастрычніка, у раёне Васільеўскім спуску. Менавіта там француз запускаў невялікі беспілотны апарат з замацаванай на ім відэакамерай.

Апаратуру ў мужчыны канфіскавалі. Спецыялісты высветлілі, што гэта аматарскі апарат для відэаздымкі з вышыні, і якой-небудзь цікавасці для спецслужбаў ён не ўяўляе. Пры гэтым прычына затрымання не прыводзіцца.

Замежніку выклікалі перакладчыка, які патлумачыў, што француз проста забаўляўся і хацеў зняць Красную плошчу з вышыні птушынага палёту. Пасля гэтага француза адпусцілі.