Ля берагоў Швецыі выяўленыя некалькі падазроных аб'ектаў

Яны ляжаць на дне без руху.

У Швецыі спецыяльныя падраздзяленні, якія вядуць пошук невядомай падлодкі, усталявалі кантакт з некалькімі "падводнымі аб'ектамі" на ўсход ад фіёрда Інгарэ. Гэта вузкі заліў у Стакгольмскім архіпелагу, які мяжуе з выспамі Інгарэс з поўначы і выспамі Гасе і Элье з поўдня, паведамляе "Радыё Свабода".

"Падазроныя аб'екты" ляжаць на дне без руху на адлегласці некалькіх соцень метраў адзін ад аднаго, паведамляе газета "Свенска Дагбладэт", журналісты якой знаходзяцца ў месцы пошукаў.

У раёне пошуку знаходзяцца мінны тральшчык, берагавы карвет класа Сундсваль, судна берагавой аховы, карвет Стакгольм і штабное судна Тросэ.

Улады Швецыі абмежавалі забароненую зону ў раёне пошуку як для грамадзянскіх судоў, так і для прэсы. Адначасова з гэтым пошукі працягваюцца і ў адкрытым моры ў раёне Данзігер ГАТТ, на выхадзе з архіпелага.

Сёння міністр абароны Швецыі Перар Хультквіст і галоўнакамандуючы Сверкер Ёрансан правялі нараду з чальцамі камітэта ў абароне Рыксдага і інфармавалі парламентарыяў аб мерах, якія прымаюцца падчас выведвальнай аперацыі.

Напярэдадні стала вядома, што абароннае ведамства падало прэсе загадзя памылковыя звесткі месца пошуку падлодкі. Да такой высновы прыйшлі журналісты шведскага тэлеканала SVT, якія вывучылі адзіны існуючы на сённяшні дзень фотаздымак неапазнанага аб'екта, заўважанага нібыта ляь фіёрда Юнгфру ля выспы Даларэ і прадэманстраванага грамадскасці контр-адміралам Андэрсам Грэнстадам.

У Мінабароны прызналі, што прадэманстраваны на прэс-канферэнцыі ў нядзелю здымак быў зроблены ў іншым месцы ў шхерах. Шведскія вайскоўцы свядома распаўсюдзілі непраўдзівую інфармацыю, патлумачыўшы гэта тым, што "нельга было паказаць, што ведаем сапраўднае становішча аб'екта, і тым самым не даць ворагу козыры ў рукі".

Як паведамляла газета Svenska Dagbladet, у раёне Стакгольмскага архіпелага, магчыма, церпіць бедства расейская падводная лодка, шведскія вайскоўцы перахапілі сігнал аб дапамозе на расейскай мове, накіраваны на адну са станцый у Калінінградзе.

Міністэрства абароны Расеі выступіла з аспрэчаннем інфармацыі аб тым, што інцыдэнт нібыта звязаны з прысутнасцю ля берагоў Швецыі расейскай падводнай лодкі. У заяве расейскага вайсковага ведамства гаворыцца, што "ніякіх няштатных" або аварыйных сітуацый з расейскімі караблямі не адбывалася.