Ля берагоў Швецыі з'явілася другая падлодка
41- 22.10.2014, 10:17
- 41,884
Швецыя зафіксавала актыўнасць яшчэ адной падводнай лодкі ў сваіх тэрытарыяльных водах.
Пра гэта паведамляе мясцовае выданне SVD са спасылкай на прадстаўнікоў узброеных сіл Швецыі.
Шведскія вайскоўцы ўсталявалі кантакт з некалькімі падводнымі аб'ектамі ў тэрытарыяльных водах краіны, піша «Еўрапейская праўда».
«Я хачу паведаміць, што было зафіксавана два аб'екты, аб якіх паведамілі цывільныя грамадзяне, і гэтыя назіранні дастаткова цікавыя, каб распачаць вывучэнне сітуацыі», - паведаміў адмірал Андэрс Грэнштад.
Ён паведаміў, што цяпер у магчымых месцы іх знаходжання сканцэнтраваныя значныя сілы флоту краіны. Падазроныя аб'екты ляжаць на дне, на адлегласці некалькіх сотняў метраў адзін ад аднаго, і не рухаюцца.
Галоўнакамандуючы ўзброенымі сіламі Швецыі Сверкар Гарансан паабяцаў прымяніць вайсковую моц, калі будзе знойдзена новая падводная лодка.
«Я не зайздрошчу тым, хто цяпер знаходзіцца там, у нашых тэрытарыяльных водах. І я ўважаю цалкам мэтазгодным прымяніць вайсковую сілу», - заявіў Гарансан.
Пакуль афіцыйныя асобы пазбягаюць называць краіну, субмарыну якой шукаюць паблізу Стакгольма.
ВМС Швецыі шосты дзень запар шукаюць падлодку ў водах Стакгольмскага архіпелага, дзе раней была адзначана «замежная падводная дзейнасць».
Фота: AP