Буяльскі ізноў ачоліў жаночую зборную Беларусі ў баскетболе
- 22.10.2014, 16:36
- 3,746
55-гадовы Анатоль Буяльскі жаночую баскетбольную зборную ачоліў у трэці раз.
Галоўным трэнерам жаночай зборнай Беларусі ў баскетболе прызначаны Анатоль Буяльскі, які змяніў літоўскага настаўніка Рымантаса Грыгаса.
Такая пастанова прынятая выканкамам Беларускай федэрацыі баскетболу, паведамляе БелТА.
55-гадовы Анатоль Буяльскі жаночую баскетбольную зборную ачоліў у трэці раз. Раней ён трэніраваў яе ў 1994-1998 і 2002-2011 гадах.
Папярэдні настаўнік Рымантас Грыгас узначальваў беларускую зборную з сакавіка 2012 года. Пад яго кіраўніцтвам на Еўра-2013 беларускі сталі пятымі, а на чэмпіянаце свету-2014 - дзясятымі.
Усе асноўныя дасягненні жаночай зборнай Беларусі апошняга часу звязаныя з працай Анатоля Буяльскага - бронза Еўра-2007, шостае месца на Алімпіядзе-2008, чацвёртае месца на Еўра-2009.
Галоўная задача на бліжэйшы час для Анатоля Буяльскага і яго падапечных - падрыхтоўка да чэмпіянату Еўропы 2015 года, які пройдзе ў чэрвені ў Вугоршчыне і Румыніі і стане адборам на кваліфікацыйны турнір да Алімпійскіх гульнях-2016.