Беларускі банкір краў грошы ва ўласным банку

Кіраўнік аднаго з беларускіх банкаў, ягоны намеснік і сакратар савета дырэктараў выкралі 5,5 млн. еўра ў свайго ж банка.

Пра гэта сайту charter97.org паведамілі ў прэс-службе МНС Беларусі.

«У крадзяжы грошай падазраюцца трое мужчын: грамадзяне Беларусі, Расеі і Ірана. У 2011 годзе, працуючы на пасадах старшыні праўлення, намесніка старшыні праўлення і сакратара савета дырэктараў аднаго з камерцыйных банкаў, інтэрнацыянальнае трыо выкарыстала сваё службовае становішча ў карыслівых мэтах», - гаворыцца ў паведамленні.

З верасня па снежань 2011 года падчас будаўніцтва будынка для патрэб банка зламыснікі нібыта аплачвалі паслугі ва ўзвядзенні названага аб'екта, на самай жа справе грошы прысвойвалі. У крымінальнай схеме выкарыстоўваліся рэквізіты падкантрольных суб'ектаў гаспадарання і падстаўныя фірмы-«аднадзёнкі». У агульнай складанасці за гэты час было выкрадзена больш за 5,5 млн. еўра, якія належаць банку.

«Асобы, якія здзейснілі крадзеж, затрыманы. У іх адабраны грошы на суму каля 170 тысяч еўра, а таксама накладзены арышт на рахункі ў банках на суму больш за 100 тысяч еўра», - паведамляе МУС, адзначаючы, што ўсе згаданыя асобы ўжо даўно адвяліся з банка, які ж самі і абрабавалі.