Цімафей Калачоў: Так нізка мы даўно не падалі...

Паўабаронца зборнай Беларусі і расейскага "Растова" Цімафей Калачоў пракаментаваў сітуацыю з прызначэннем новага трэнера.

Ён не бачыць нічога дрэннага, калі каманду ачоліць замежнік. Таксама Калачоў цалкам пагадзіўся з Аляксандрам Глебам з нагоды адсутнасці калектыву ў зборнай краіны, піша "Прессбол".

"Да замежных трэнераў стаўлюся нармальна. Важна, каб спецыяліст быў добры. А астатняе не мае значэння. Адзін беларус ужо папрацаваў. Так нізка мы даўно не падалі... Меркаванне Сані Глеба што да ўсяго гэтага падзяляю цалкам і цалкам", - заявіў ён.