Пуцін прызнаўся, што дапамог збегчы Януковічу
60- 24.10.2014, 17:33
- 43,068
Уладзімір Пуцін распавёў пра тое, як былы прэзідэнт Украіны Віктар Януковіч апынуўся ў Расеі.
Са слоў Пуціна, пасля падпісання пагаднення паміж Януковічам і апазіцыяй Януковіч адправіўся з Кіева ў Харкаў, хоць расейскі калега раіў яму гэтага не рабіць, піша gazeta.ru.
«Я яму адказаў, што не ведаю, што ўсё так будзе добра, але гэта яго справа, ён жа прэзідэнт <...> Ён з'ехаў і даў каманду вывесці ўсе сілы правапарадку з Кіева», - сказаў Пуцін, адказваючы на пытанні падчас міжнароднага дыскусійнага клуба «Валдай» у Сочы.
«Не буду хаваць, мы дапамаглі яму (Януковічу) перабрацца ў Крым і ён там яшчэ знаходзіўся на працягу некалькіх дзён, у Крыме - на той перыяд часу Крым быў часткай Украіны», - распавёў кіраўнік расейскай дзяржавы.
«У такіх умовах у Кіеў яму было вяртацца ўжо бессэнсоўна <...> Усе забыліся пра дамоўленасці і подпісы. Ён (Януковіч) папрасіў вывесці яго ў Расею, што мы і зрабілі. Вось і ўсё», - сказаў на заканчэнне прэзідэнт РФ.
Фота: Reuters