57% палякаў лічаць, што Расея не спыніцца на Украіне

Жыхары Польшчы асцерагаюцца агрэсіі Расеі.

Паводле апытання, праведзенага польскім цэнтрам вывучэння грамадскай думкі CBOS, 57% асцерагаецца, што Расея не спыніцца толькі на Украіне і што Масква будзе выклікаць канфлікты і ў іншых краінах, у якіх пражывае расейская меншасць. Аб гэтым піша выданне «Fakty» (пераклад - charter97.org).

Дзве траціны апытаных (67%) лічаць, што сітуацыя ва Украіне з'яўляецца пагрозай і для іх краіны. Пераважная большасць палякаў (83%) турбуецца падзеямі ва Украіне і іх уздзеяннем на польскую эканоміку.

74% апытаных лічаць, што гэтыя падзеі пагражаюць энергетычнай бяспецы краіны. 42% асцерагаюцца ўварвання войскаў іншай дзяржавы на тэрыторыю Польшчы.

Кожны пяты (22%) заяўляе, што вельмі ўважліва сочыць за навінамі ў гэтым пытанні, 61% праяўляе нават нейкую цікавасць да развіцця падзей ва Украіне. 17% наогул не цікавіцца сітуацыяй ва Украіне.

Толькі нешматлікія (4%) вераць, што Украіна адновіць страчаныя тэрыторыі, а 18% апытаных лічаць, што суседняя краіна цалкам страціць незалежнасць і будзе падпарадкавана Маскве.

Апытанне было праведзена з 9 па 15 кастрычніка, апытана 919 дарослых жыхароў Польшчы.