Серэна Уільямс і Сымона Халеп выйшлі ў паўфінал турніру WTA

Першая ракетка свету Серэна Уільямс з ЗША і румынка Сымона Халеп выйшлі ў паўфінал выніковага чэмпіянату WTA ў Сінгапуры.

У пятніцу сербка Ана Іванавіч у заключным матчы абыграла Халеп з лікам 7: 6 (9: 7), 3: 6, 6: 3. Аднак гэтай перамогі ёй не хапіла для таго, каб заняць другое месца ў групе, піша «Інтэрфакс».

У 1/2 фіналу Уільямс-малодшая згуляе з датчанкай Каралін Вазняцкі. Сымона Халеп сустрэнецца з Агнешкай Радванскай з Польшчы.