Гжэгаж Схетына: Украіна ўзяла кірунак у бок Еўропы
6- 27.10.2014, 16:22
- 5,790
ЕЗ і ЗША павінны працягнуць дапамогу Украіне ў пабудове дэмакратычнай дзяржавы.
Пра гэта заявіў міністр замежных спраў Польшчы Гжэгаж Схетына ў інтэрв'ю Polskie radio (пераклад - charter97.org).
«Дзве найбольш рэфарматарскія і праеўрапейскія партыі значна перамаглі ў гэтых выбарах», - падкрэсліў ён. Міністр дадаў, што Украіна «рухаецца ў бок Еўропы», перш за ўсё паказваючы ўсім, што гэта менавіта той кірунак, у якім яна хоча рухацца.
Гэта велізарны шанец для краіны, але як заўважыў Схетына, цяпер настане час вялікіх выклікаў для прэзідэнта Пятра Парашэнкі і прэм'ер-міністра Арсенія Яцэнюка. Да такіх выклікаў, на думку польскага палітыка, варта аднесці пачатак міратворчага працэсу на ўсходзе краіны і правядзенне сур'ёзных рэформаў. Як падкрэсліў кіраўнік польскай дыпламатыі, ва Украіны ёсць гарантыя падтрымкі з боку краін ЕЗ і ЗША. «Усе будуць хацець дапамагаць Украіне, каб яна правяла рэформы, якія дазволяць ёй стварыць асновы дэмакратычнай дзяржавы» - сказаў ён.
Як заявіў Схетына, прэм'ер-міністр Польшчы Эва Копач шмат разоў падкрэслівала, што ў яе добрыя стасункі з прэзідэнтам Украіны і заяўляла, што пасля выбараў яна паедзе ў Кіеў. На думку кіраўніка МЗС, яна стрымае гэта абяцанне.
«Польскі голаc чуецца падчас кожнай сустрэчы што да Украіны. Наш голас вызначае меркаванне Еўропы ва ўкраінска-расейскіх дачыненнях» - падкрэсліў Схетына.
Фота: Photothek