«Океан Ельзи» адсвяткуе юбілей у Менску
1- 28.10.2014, 9:12
- 5,963
«Океан Ельзи» выступіць у беларускай сталіцы 21 лістапада.
Сёлета вядомаму ўкраінскаму гурту спаўняецца 20 гадоў. Дваццаць гадоў таму калектыў ладзіў рэпетыцыі ў львоўскім інтэрнаце, а цяпер збірае стадыёны па ўсім свеце. Як паведамілі «Менск-Навіны» арганізатары, юбілей гурт пастанавіў адзначыць грандыёзнай серыяй канцэртаў, адзін з якіх адбудзецца ў Менску. Праграма выступу стане своеасаблівай зборкай хітоў розных гадоў. Прагучаць любімыя прыхільнікамі «Без бою», «Вiще за неба», «Я так хачу», «Така, Як тi», «Квiтка», «Усё буде добре».
Адпаведнымі юбілейнаму канцэрту будуць і дэкарацыі - лагатып «Океан Ельзи» часоў альбома «Суперсиметрія» і старыя фатаграфіі гурту.
Гаворачы аб новым туры, фронтмэн гурта Святаслаў Вакарчук адзначыў: «Мы б хацелі, каб творчыя святы з нагоды 20-годдзя гурта сталі своеасаблівым вынікам не толькі для нас, але і для пакалення, якое вырасла за гэтыя два дзесяткі гадоў».