Насельніцтва Беларусі расце за кошт мігрантаў
11- 28.10.2014, 9:37
- 7,542
Колькасць насельніцтва Рэспублікі Беларусь на 1 кастрычнік 2014 года склала 9,475 млн. чалавек.
У параўнанні з пачаткам гэтага года яно павялічылася на 6 929 чалавек. Пра гэта сайту charter97.org паведамілі ў Нацыянальным статыстычным камітэце.
Натуральнае змяншэнне насельніцтва ў студзені-верасні 2014 у параўнанні з адпаведным перыядам 2013 паменшылася на 75,3% і склала 1 545 чалавек.
У студзені-верасні 2014 года ў рэспубліцы нарадзілася 89 241 чалавек, памерла – 90 786 чалавек. Агулам па краіне ў студзені-верасні 2014 колькасць памерлых перавысіла колькасць народжаных на 1,7% (у студзені-верасні 2013 года - на 7,1%).
У студзені-верасні 2014 міграцыйны прырост насельніцтва склаў 8 474 чалавека і павялічыўся ў параўнанні з аналагічным перыядам 2013 на 605 чалавек, або на 7,7%.
У студзені-верасні 2014 у параўнанні са студзенем-вераснем 2013 колькасць зарэгістраваных шлюбаў зменшылася на 3,8%, разводаў - на 1,5%. У студзені-верасні 2014 на 1000 шлюбаў прыпадала 388 разводаў, у адпаведным перыядзе 2013 - 379 разводаў.