Полацкага даішніка-хама звольнілі паводле пастановы суда (Відэа)

Роўна тыдзень прайшоў з моманту, калі ў сетцы распаўсюдзілася відэа, якое выклікала рэзананс.

У ім фігуруе «грамадзянскі» Volkswagen, за стырном якога знаходзіўся апрануты ў форму супрацоўніка ДАІ мужчына. Кіроўца змушае аўтара роліка на Mercedes спыніцца, пасля чаго падыходзіць і звяртаецца да яго ў нецэнзурнай форме. Са слоў аўтара роліка Міхаіла, ужо ў мінулую пятніцу адбыўся суд паводле двух артыкулаў КаАП, у якасці абвінавачанага выступаў інспектар, які ў выніку страціў сваю пасаду, піша onliner.by.

«Iнспектар не быў апрануты цалкам ў форму і спыніў машыну не згодна з правіламі, - нагадаў абставіны інцыдэнту Міхаіл, які ехаў у якасці пасажыра, і які распаўсюдзіў ролік. -

Міхаіл адразу запэўніў: «Нікуды, ні ў якія органы мы не маем намеру звяртацца». Аднак, з ягоных слоў, з міліцыі патэлефанавалі самі - пасля з'яўлення нататкі ў СМІ. ДАІ Віцебскай вобласці ў дзень абвяшчэння запісу паведаміла, што будзе праведзенае разбіральніцтва. «Вынікам яго стаў суд, які адбыўся ў пятніцу, - распавёў Міхаіл. - На яго быў запрошаны мой сябар, ён жа кіроўца Mercedes. Пасяджэнне прайшло хутка. Справу разглядалі па двух артыкулах: нецэнзурная лаянка ў грамадскім месцы і пагроза. Інспектара - работніка ДАІ Расонскага раёна - прызналі вінаватым і вызвалілі з пасады, прызначыўшы пры гэтым штраф. Пазней даведаўся, што таксама «папрасілі» ягонага начальніка і намесніка ў ідэалогіі (гэтая інфармацыя афіцыйна не пацверджаная)».