Складскія запасы выраслі на 5,2 трлн

У Беларусі за студзень-верасень 2014 года складскія запасы дасягнулі 33,176 трлн рублёў.

За год яны выраслі на 5,218 трлн рублёў або 18,7%. Пра гэта паведамляе АФН са спасылкай на Нацыянальны статыстычны камітэт.

У той жа час у верасні запасы знізіліся на 317 млрд рублёў або 0,9%.

Суадносіны запасаў гатовай прадукцыі і сярэднямесячнага аб'ёму вытворчасці на 1 кастрычніка 2014 склалі 76,7% супраць 77,8% на 1 верасня 2014 года і 70,2% на 1 студзеня гэтага года.

За 2013 складскія запасы ў Беларусі выраслі на 5,8 трлн рублёў або 26% да 27,958 трлн рублёў.