Прадпрымальнік з Пінска: Буду абараняць сваіх суседзяў- «дармаедаў»
26- 28.10.2014, 16:01
- 37,150
У кожнага «хата з краю», пакуль дыктатура не пачынае залазіць у асабістае жыццё.
Такое меркаванне з нагоды «крэатыўных» прапаноў уладаў у дачыненьні да «дармаедаў» выказаў чытач charter97.org, прадпрымальнік з Пінска.
«Гэтую ідэю нясуць ідыёты. Я нармальна стаўлюся да «дармаедаў»: калі камусьці не хочацца працаваць, значыць, ім гэта не трэба. Сярод маіх знаёмых «утрыманцаў» - адсоткаў пяцьдзесят. Я думаю, што людзі будуць рэагаваць вельмі бурна. Усім пляваць, што робіць беларускі дыктатар, у большасці «хата з краю». Але калі дыктатура залазіць у асабістае жыццё чалавека, гэта для яе дрэнна скончыцца. Людзі пачакаюць пастановы ўладаў і далей будуць дзейнічаць з абставінаў, але я, напрыклад, упэўнены, што буду заступацца за сваіх суседзяў, калі да іх прыйдуць якія заўгодна правяраючыя», - кажа ён.
Нагадаем, чыноўнікі прыдумляюць усё больш вытанчаныя метады «вытрасання» грошай з утрыманцаў, якіх у краіне налічваецца каля 140 тысяч чалавек. Прапануюць іх саджаць, пазбавіць бясплатнай медыцыны і адукацыі, увесці падатак у памеры $1000 у год. Гэтыя новаўвядзенні закрануць усіх паўналетніх грамадзян Беларусі, якія не плацяць у казну на працягу паўгода.