Адпомсцілі за Кабзона: Кіраўнік латвійскай контрвыведкі патрапіў у расейскі «чорны спіс»

Разам з ім у чорны спіс трапілі дэпутат Сейма і рэжысёр.

Расейскія ўлады абвясцілі былога генеральнага пракурора, а цяпер дырэктара Бюро ў абароне Канстытуцыі Латвіі Яніса Майзіціса персонай нон грата і забаранілі яму ўезд на тэрыторыю РФ, паведамляе партал Delfi. Бюро ў абароне Сатверсме (Канстытуцыі) з'яўляецца латвійскім невайсковым органам у правядзенні разведкі і контрразведкі.

У гутарцы з карэспандэнтам Delfi Майзіці пацвердзіў, што расейскія ўлады ўключылі яго ў чорны спіс. «Гэта не перашкодзіць мне выконваць службовыя абавязкі», - сказаў кіраўнік контрвыведкі.

Акрамя Майзіціса, персонамі нон грата ў Расеі абвешчаныя таксама дэпутат Сейма, кіраўнік парламенцкай падкамісіі ў палітыцы крымінальнага права Андрэй Юдзін і рэжысёр Алвіс Херманіс.

Напружанасць у дачыненнях замежных дыпламатычных ведамстваў Расеі і Латвіі ўзрасла пасля таго, як у ліпені 2014 латвійскія ўлады ўнеслі спевакоў Іосіфа Кабзона, Алега Газманава і Валерыю ў спіс асобаў, якім забаронены ўезд на тэрыторыю рэспублікі. У выніку яны не змаглі трапіць на фестываль «Новая хваля» ў Юрмале.