У Віцебску правялі абрад «Лебядзіная вернасць»

У Віцебску напярэдадні Дня настаўніка маладых з ліку педагогаў ушаноўвалі незвычайнай акцыяй - для іх у пойму ракі Віцьба выпусцілі двух лебедзяў.

Абрад «Лебядзіная вернасць», ініцыяваны гарадскімі ўладамі, стаў вясельным падарункам для Аксаны і Аляксандра Валехаў.

Яна працуе настаўніцай хіміі, ён выкладчык дадатковай адукацыі, трэнер у футболе. Маладыя прызналіся, што не падгадвалі дату вяселля спецыяльна да прафесійнага свята, сам лёс так распарадзіўся, паведамляе БелТА.

Ля помніка А.С. Пушкіну, традыцыйнага месца прыпынку вясельных картэжаў, маладых вітаў старшыня Віцебскага гарадскога Савета дэпутатаў Міхаіл Кравец. Артысты культурна-гістарычнага комплексу «Залатое кальцо горада Віцебска «Дзвіна» надарылі іх абрадавымі песнямі і пажаданнямі. А затым віноўнікі ўрачыстасці спусціліся да ракі, дзе пакармілі пару лебедзяў і пракаціліся на святочна ўпрыгожаным катамаране.