«Беларускія» смартфоны - з Кітаю (Фота)

Эпапея з маніторамі ад «Інтэграла» знайшла свой працяг у беларускіх смартфонах.

Ідэнтычнасць мадэляў кітайскага і беларускага смартфонаў выявіў чытач charter97.org Аляксандр Ботманаў.

«Тэлефон ад стваральнікаў інтэгралаўскіх манітораў. Параўнайце беларускі і кітайскі смартфон», - піша ён.

На самай справа, характарыстыкі кітайскага смартфона Haier W820 і «беларускага» смартфона Veon C8680 цалкам супадаюць: у абодвух аднолькавыя працэсары (Qualcomm MSM8225), аднолькавы тып і ёмістасць батарэі (Li-Ion 1800 mAh) і аднолькавая тэхналогія экрана.

Нагадаем, беларускія прадпрыемствы не раз трапляліся на бязглуздым імпартазамяшчэнні: так, некалькі гадоў назад «Інтэграл» выпусціў маніторы фірмы Benq пад выглядам сваіх.