Ермакова распавяла пра курс даляра і інфляцыю ў 2015 годзе

Кіраўніца Нацбанка запэўнівае, што інфляцыю ў Беларусі ў 2015 годзе плануецца ўтрымаць на ўзроўні 12%, а даляр будзе каштаваць 11.400 рублёў.

Пра гэта старшыня ўправы Нацыянальнага банка Надзея Ермакова паведаміла сёння на пасяджэнні Савета міністраў, піша БелТА.

«Асноўнай мэтай манетарнай палітыкі на 2015 год прапануецца запаволенне інфляцыйных працэсаў. Прырост спажывецкіх коштаў у наступным годзе трэба ўтрымаць у суме 12%, - адзначыла Надзея Ермакова. - Гэта дастаткова складаная задача з улікам інтэнсіўнасці інфляцыі і павелічэннем адміністрацыйна рэгуляваных коштаў, што плануецца на наступны год».

Не менш важнай дзяржаўнай задачай на будучы год з'яўляецца недапушчэнне зніжэння золатавалютных рэзерваў. Для дасягнення гэтых мэтаў Нацбанк мае намер прытрымлівацца тых жа прынцыпаў грашова-крэдытнай палітыкі, якая дзейнічае ў гэтым годзе. «Гэта значыць грашова-крэдытная палітыка будзе жорсткай», - адзначыла кіраўніца ўправы НБРБ.

Таксама ў наступным годзе, з яе слоў, прадоўжыцца правядзенне курсавой палітыкі, накіраванай на згладжванне ваганняў абменнага курсу беларускага рубля. «Мяркуецца, што сярэднегадавая значэнне абменнага курсу ў даляравым эквіваленце складзе 11 300-11 400 за $1. Такое змяненне кошту нацыянальнай валюты дазволіць падтрымаць коштавую канкурэнтаздольнасць беларускай прадукцыі», - патлумачыла Надзея Ермакова. У выпадку рэзкіх зменаў на сусветным валютным рынку Нацбанк мае намер гнутка падыходзіць да фармавання дынамікі абменнага курсу ў межах, якія забяспечваюць абмежаваны ўплыў на рост коштаў.

«Стаўка рэфінансавання ў прагнозных макраэканамічных умовах можа скласці 15-16% на канец наступнага года або 17-18% у сярэднім за год. Пры гэтым стаўкі ў зноў выдадзеных крэдытах на канец 2015 могуць знізіцца да 20-21%», - сказала кіраўніца ўправы Нацбанка.