Нацбанк скасаваў тарыфы на інкасацыю

Тарыфы на эквайрынг і інкасацыю, якія выклікалі буру абурэння з боку бізнэс-супольнасці, скасаваныя.

Пра гэта сайту charter97.org паведамілі ў прэс-службе Нацбанка.

«Пастановай Праўлення Нацыянальнага банка Рэспублікі Беларусь ад 30 кастрычніка 2014 №672 прынятая пастанова аб скасаванні пастановы Праўлення Нацыянальнага банка Рэспублікі Беларусь ад 29 верасня 2014 № 599 «Аб плаце за правядзенне асобных банкаўскіх аперацый». Гэтая пастанова ўваходзіць ў дзеянне з моманту яе прыняцця», - гаворыцца ў паведамленні.

Пастанова №599 было прынятая ў мэтах стымулявання безнаяўных разлікаў, аднак рэкамендаваныя Нацбанкам тарыфы на інкасацыю і эквайрынг не спадабаліся бізнэс-супольнасцям.

Напярэдадні кіраўніца Нацбанка Надзея Ермакова паабяцала, што да канца месяца рэгулятар перагледзіць сваю пастанову на аснове калькуляцый сабекошту паслугі, прадстаўленых беларускімі банкамі. Замест перагляду Нацбанк папросту скасаваў благую пастанову.