ЗША паспяхова выпрабавалі катэры-беспілотнікі
4- 5.10.2014, 12:15
- 7,758
ЗША збіраюцца прыняць на ўзбраенне патрульныя катэры без экіпажа.
Яны будуць у аўтаматычным рэжыме суправаджаць буйныя караблі. Пра гэта паведаміў прадстаўнік амерыканскіх ВМС Мэцью Кландэр, піша «Интерфакс».
З ягоных слоў, у жніўні выпрабаванні катэраў, даўжыня якіх складае 11 метраў, прайшлі на рацэ Джэймс ў штаце Вірджынія. Адзін карабель суправаджалі 13 катэраў на аўтаматычным кіраванні, пяць з іх займаліся аховай, восем былі накіраваны даследаваць умоўнае падазронае судна. Цэль акружылі і дазволілі галоўнаму караблю бяспечна прайсці міма яе.
Са слоў Кландэра, падчас дэманстрацыі, якая, з ягоных слоў, стала «прарывам», імітавалі праход праз праліў. «Гэта можа быць Малакскі праліў альбо Армузскі», - заявіў прадстаўнік ВМС.
Са слоў Кландэра, катэры могуць абсталяваць кулямётамі, а адзін чалавек будзе сачыць за дзеяннямі да 20 такіх катэраў.