Бацьку Міколы Статкевіча павіншавалі з Днём настаўніка
6- 5.10.2014, 18:50
- 5,080
Баранавіцкія грамадскія актывісты павіншавалі Віктара Статкевіча, які 35 гадоў працаваў настаўнікам гісторыі, з прафесійным святам.
Нягледзячы на дрэнны стан здароўя, бацька Мікалая Статкевіча гасцінна і добразычліва прыняў наведвальнікаў у сваёй кватэры, піша сайт ПЦ «Вясна».
- Сёння мы больш абмяркоўвалі не мінулае, а сучаснае становішча настаўнікаў, шмат казалі аб праблемах адукацыі ў Беларусі. Віктар Паўлавіч ўжо больш за 20 гадоў не працуе ў школе, але добра ведае, што цяпер настаўнікі маюць менш правоў, чым у ягоны час. Ён падтрымлівае сувязі з былымі калегамі, таму перакананы, што моладзь не хоча працаваць у школе не толькі таму, што настаўнікам мала плацяць за працу, але перш за ўсё таму, што ў школе, як і ўсюды ў краіне, няма свабоды, - паведаміў грамадскі актывіст Віктар Сырыца.
Госці, безумоўна, пагаварылі з гаспадаром і пра перапіску з палітвязнем Мікалаем Статкевічам, пра падзеі ва Украіне, аб нядаўніх пагрозах невядомых асобаў у адрас Віктара Паўлавіча і ягонай сям'і.
Развіталіся з пажаданнямі здароўя, надзеяй на Бога і добрых людзей.