The New York Times: Захаваць ціск на Пуціна

ЕЗ і ЗША не павінны праяўляць нерашучасць у дачыненні да падтрымкі Кіева і санкцый супраць Расеі.

Канцлерка Нямеччыны Ангела Мэркель мае такое-сякое ўяўленне пра тое, як весці справы з Масквой. Яна вяла перамовы з прэзідэнтам Уладзімірам Пуціным часцей, чым які-небудзь іншы заходні лідэр, і, галоўнае, яна вырасла пад ярмом Масквы ва Усходняй Нямеччыне. Так што, калі яна кажа, што яшчэ рана касаваць санкцыі супраць Расеі, заходнім сталіцах варта да яе прыслухацца, мяркуе рэдакцыя The New York Times (пераклад - Инопресса.ру).

Але чаму, могуць спытаць некаторыя, трэба згортваць выгадныя эканамічныя стасункі з Расеяй, калі 5 верасня дасягнутае пагадненне аб замірэнні з Украінай і крызіс аціх?

"Вось чаму, - тлумачаць аўтары артыкула. - Нават калі пакінуць за дужкамі незаконную анэксію Крыма і як далейшыя баявыя дзеянні вакол Данецка, напраўду ў адсутнасць ціску з боку ЗША і ЕЗ у Пуціна практычна не будзе матывацыі ісці на саступкі Украіне".

"Цяперашні план Пуціна, здаецца, палягае ў тым, каб не дапусціць Украіну ў NATO і ЕЗ, дамагчыся фактычнага прызнання анэксіі Крыма і не даць краіне адужаць", - гаворыцца ў артыкуле.

Украіна хоча атрымаць свой шанец, і ЕЗ і ЗША не павінны праяўляць нерашучасць у дачыненні да падтрымкі Кіева і санкцый супраць Расеі, мяркуе выданне, цытуючы нядаўнія словы Ангелы Мэркель: "Часам у гісторыі трэба быць гатовым да доўгага шляху".