Джэймс Блант праспяваў беларускам, якія яны прыгожыя

Ангельскі рамантык у нядзелю ўвечары ўпершыню даў канцэрт у Беларусі.

Паслухаць хіты You're Beautiful і Goodbye My Lover сабраліся ў Палацы Рэспублікі тыя, хто ў пачатку 2000-х перажывалі рамантычныя стасункі пад гэтыя песні. Спявала і танчыла на месцах уся зала. Далоні адбілі ў гэты вечар нават мужчыны, якія прывялі сваіх дам атрымаць асалоду ад мелодый і голасу Бланта. Як прайшоў канцэрт, глядзіце ў фотарэпартажы onliner.by.

На сцэну брытанец з музыкамі выйшаў а палове на дзевятую. Адзетыя яны былі ў форму касманаўтаў. Бо тур цяпер у іх праходзіць у падтрымку апошняй плыткі - Moon Landing, выхад якой адбыўся ў кастрычніку 2013 года. За 1,5 гадзіны канцэрту Блант шмат жартаваў, змяніў 7 гітар і прызнаўся, што яму вельмі спадабаўся Менск і беларусы.