Гарадзенскія чыноўнікі «пагарэлі» на хабары ў $ 6 тысяч
14- 6.10.2014, 11:20
- 18,126
КДБ затрымаў з довадамі злачынства чыноўнікаў Гарадзенскага гарадскога выканаўчага камітэта.
Пра гэта паведамляе прэс-служба КДБ.
«Супрацоўнікамі Камітэта дзяржаўнай бяспекі пры атрыманні хабару затрыманы з довадамі злачынства начальнік землеўпарадкавальнай службы і начальнік гаспадарчага аддзела Гарадзенскага гарадскога выканаўчага камітэта.
За спрыяльны разгляд пытання аб падаўжэнні права на карыстання зямельным надзелам службовыя асобы запатрабавалі ў заснавальніка аднаго з камерцыйных прадпрыемстваў Гарадзеншчыны 6000 даляраў ЗША. Частка незаконнага грашовага ўзнагароджання ў суме 2000 даляраў ЗША была перададзеная ім прадстаўніком фірмы ў жніўні. Пры атрыманні астатняй сумы карумпаваных чыноўнікаў затрымалі.
Таксама ў выніку праведзенага ў працоўным кабінеце аднаго з падазраваных ператрусу, супрацоўнікі КДБ выявілі і канфіскавалі канверт з 1000 даляраў ЗША, паходжанне якога ён не змог растлумачыць.
У дачыненні да затрыманых управай КДБ Гарадзенскай вобласці распачатая крымінальная справа паводле ч.2 арт.430 (атрыманне хабару) КК Рэспублікі Беларусь. Праводзяцца патрэбныя аператыўна-вышуковыя мерапрыемствы і следчыя дзеянні, накіраваныя на ўсталяванне іншых эпізодаў супрацьпраўнай дзейнасці названых службовых асобаў», - гаворыцца ў паведамленні.
Да падазраваных ужытая мера стрымання ў выглядзе ўзяцця пад варту.