Лондан узначаліў рэйтынг самых прывабных гарадоў для працы

Брытанская сталіца ўзначаліла рэйтынг найбольш прывабных гарадоў для працы.

Пра гэта піша The Guardian. Пра гэта сведчыць новае даследаванне The Boston Consulting Group і TotalJobs.com, у якім узялі ўдзел больш за 200 тысяч чалавек з 188 краін. Паводле вынікаў апытання высветлілася, што 16% рэспандэнтаў хацелі б працаваць менавіта ў Лондане, піша gazeta.ru.

У топ-10 таксама патрапілі Нью-Ёрк (ЗША) і Парыж (Францыя). Акрамя таго, у першай дзесятцы Сіднэй (Аўстралія), Мадрыд і Барселона (абодва - Гішпанія), Бэрлін (Нямеччына), Таронта (Канада) і Сінгапур. Замыкае топ-10 Рым (Італія).

Як адзначыў прадстаўнік TotalJobs.com Майк Букер, Лондан змог дамагчыся такога поспеху, бо брытанская сталіца прапануе магчымасць працаўладкавання ў розных сферах і вабіць з культурнага пункту гледжання. «Нядзіўна, што людзі з усяго свету хочуць прыехаць туды і працаваць там», - дадаў Букер.

Таксама высветлілася, што самай прывабнай краінай для працы сталі ЗША, якія набралі 42%. Другое месца дасталася Брытаніі (37%), трэцяе - Канадзе (35%).