28 сакавiка 2024, Чацвер, 21:26
Падтрымайце
сайт
Сім сім,
Хартыя 97!
Рубрыкі

Юрыя Рубцова прысудзілі да 1,5 года «хіміі»

76
Юрыя Рубцова прысудзілі да 1,5 года «хіміі»

Актывіста прызналі вінаватым у «абразе суддзі».

Пра гэта charter97.org паведаміў актывіст «Еўрапейскай Беларусі» Максім Вінярскі.

«Рубцоў прызнаны вінаватым паводле артыкула 391 «Абраза суддзі або народнага засядацеля» і прысуджаны да абмежавання волі на 2 гады і 6 месяцаў з накіраваннем ва ўстанову адкрытага тыпу. Мінус 1 год паводле амністыі. Усяго паўтара года хіміі», - распавёў ён.

Справу разглядала суддзя суду Цэнтральнага раёна Менска Наталля Вайцяховіч. Раней пракурор Гардзіенка запатрабаваў для грамадскага актывіста з Гомеля пакаранне ў выглядзе абмежавання волі тэрмінам на тры гады.

Пакуль прысуд не ўвайшоў у законнае дзеянне, Рубцоў будзе падаваць касацыйную скаргу. У дачыненні да яго пакуль абраная мера стрымання - падпіска аб нявыездзе.

Нагадаем, 28 красавіка ў судзе Савецкага раёна Менска разглядалася адміністрацыйная справа Юрыя Рубцова, які быў затрыманы на дазволенай уладамі акцыі «Чарнобыльскі шлях». Падчас працэсу актывіст падаваў заўвагі да пратаколу судовага паседжання, якое вёў суддзя Савецкага раёна Менска Кірыл Палулех, аднак суд не прыняў іх да ўвагі. Больш за тое, Кірыл Палулех палічыў словы Рубцова за абразу.

5 жніўня Юрыя Рубцова дапыталі ў Савецкім аддзеле Следчага камітэта Менска ў якасці падазраванага ў рамках крымінальнай справы паводле артыкула 391 «Абраза суддзі або народнага засядацеля».

Напісаць каментар 76

Таксама сачыце за акаўнтамі Charter97.org у сацыяльных сетках