Хлеб з... цвіком прадалі ў менскай краме

Небяспечны хлеб спёк хлебазавод №2 Менска.

Фатаграфію хлеба з цвіком сайту charter97.org даслаў чытач Міхаіл.

«Апошнім часам часта натыкаюся на розныя жахі ў айчыннай гастраноміі, але вось цвік у хлебе ў мяне ўпершыню. Звяртацца ў розныя інстанцыі пры нашай «сацыяльна арыентаванай» дзяржаве не бачу сэнсу. Лепшая мера барацьбы, на мой погляд - гэта агалоска фактаў. Дзялюся з вамі фотафактам і спадзяюся, што людзі, якія ўбачылі гэта, засцерагуць сябе і сваіх блізкіх ад пакупак прадукцыі хлебазавода №2», - адзначыў ён.

Нагадаем, раней падобную знаходку выявілі ў хлебе «Майскі» ад хлебакамбіната №5 Менска.