МАП прапануе Беларусі скараціць працоўны тыдзень да 4 дзён

Міжнародная арганізацыя працы прапануе сваім сябрам перайсці на чатырохдзённы працоўны тыдзень.

Гэта дазволіць павялічыць колькасць працоўных месцаў, добра паўплывае на здароўе работнікаў і навакольнае асяроддзе, піша "Коммерсант".

МАП прапанавала скараціць працоўны тыдзень да чатырох дзён. "І гэта не жарт, а вельмі папулярная тэма, якую часта абмяркоўваюць у бізнэс-колах", - паведамляецца на сайце ААН. Як адзначаюць экспэрты арганізацыі, што дазволіць павялічыць занятасць і спрыяльна адаб'ецца на экалогіі, паколькі паменшыцца колькасць паездак на працу. Акрамя таго, шматлікія захворванні звязаныя з перапрацоўкамі і стрэсам, а людзі, якія працуюць менш, больш прадуктыўныя. "Тыя, хто праводзіць у офісе доўгія гадзіны, нярэдка толькі імітуюць бурную дзейнасць", - сцвярджаюць экспэрты МАП. З ідэяй скарачэння працоўнага часу раней выступалі кіраўнік Google Лары Пэйдж і мексіканскі магнат Карлас Слім Элу, які займае другі радок Forbes. Калі ўвесці трохдзённы працоўны тыдзень, можна наняць двух супрацоўнікаў на адно месца, пры гэтым у абодвух будзе больш асабістага часу, тлумачылі яны.

Беларусь з'яўляецца чальцом МАП з 1954 года. Дзейнасць Арганізацыі ў краіне будуецца на аснове Праграмы супрацоўніцтва (Country Objectives), якая базуецца на стратэгічных мэтах МАП і нацэленая на развязанне актуальных для рэспублікі сацыяльна-працоўных праблем.

Дзейнасць МАП у Беларусі каардынуецца размешчаным у Маскве субрэгіянальная бюро МАП для краін Усходняй Еўропы і Цэнтральнай Азіі пры агульнай каардынацыі Рэгіянальнага бюро МАП для краін Еўропы і Цэнтральнай Азіі (Жэнева, Швейцарыя).

Каб прапанова МАП стала абавязковай для Расеі, яна павінна быць аформленая ў выглядзе канвенцыі, да якой РФ далучыцца і якую ратыфікуе, тлумачыць гендырэктар юрыдычнай біржы Yurbee Ганна-Стэфанія Чэпік. Пасля ратыфікацыі павінны рушыць услед змены ў Працоўны кодэкс (ПК), але нават калі гэтага не здарыцца, дакумент МАП будзе мець перавагу. На гэты момант Расея ўжо ратыфікавала 68 канвенцый МАП, частка з іх прывяла да зменаў у ПК. Старшыня камітэта Дзярждумы ў працы Андрэй Ісаеў заявіў, што прапанова МАП не застанецца па-за ўвагай. "Камітэт на гэтым тыдні прыме пастанову аб правядзенні круглага стала па гэтай тэме", - сказаў ён. Але важна не колькасць дзён, а колькасць працоўных гадзін, падкрэслівае ён, "калі працаваць чатыры дні па дзесяць гадзiн, дык будзе такі ж 40-гадзінны працоўны тыдзень". На ягоную думку, трэба абмяркоўваць увядзенне 36-гадзіннага рабочага тыдня з захаваннем заробкаў. У Мінпрацы не змаглі аператыўна даць каментар што да гэтай тэмы.

Айчынныя ж экспэрты і бізнэс з асцярожнасцю ставяцца да ідэі МАП. Паводле даследавання Headhunter, у Расеі толькі кожны дзясяты працадаўца ўхваляе памяншэнне працоўнага тыдня да чатырох дзён, а кожны чацвёрты - катэгарычна супраць, прычым больш за палову з іх не пераканала б і памяншэнне заробкаў работнікам. Большасць працоўных (67%) таксама не пагадзіліся б на такія перамены. "Відавочна, матэрыяльны складнік працы пераважае над асабістымі справамі і каштоўнасцю вольнага часу", - канстатуюць экспэрты.